المترجم الرقمي تواصلوا معنا

مترجم رسن الرقمي

موقعكم… بلغة الإشارة الأردنية.

«مرحبا» بلغة الإشارة الأردنية

كثير من ذوي الإعاقة السمعية لغتهم الأولى الإشارة، مش العربي المكتوب. من اليوم، موقعكم بيحكي لغتهم.

اختاروا كلمة، وشوفوا إشارتها:

مش عشر إشارات… أكثر من 5,000.

إشارة أردنية، وبتزيد مع كل تحديث.

ليش

مكتوب… بس مش بلغته.

صفحة «خدماتنا» عندكم واضحة للكل… إلا إله.

الشخص ذو الإعاقة السمعية بيفتح موقعكم، وبيلاقي لغة ثانية غير لغته.

المترجم بيحط إشارته جنب نصّكم.

كيف بيشتغل

سطر واحد… وخلص.

  1. سطر واحدبتضيفوه على موقعكم مرة وحدة.
  2. زر صغيربيظهر للزائر على كل صفحة.
  3. الزائر بيختار النصوالمترجم بيأشّره، إشارة ورا إشارة.

شو فيه

أردني… ومعمول إلكم.

  • 5,000+ إشارة أردنية

    مش لغة إشارة من بلد ثاني. والمكتبة بتكبر مع كل تحديث.

  • سطر واحد

    بتضيفوه مرة وحدة، وبيشتغل على كل صفحات موقعكم.

  • 19 كيلوبايت

    الإضافة خفيفة: حوالي 19 كيلوبايت مضغوطة.

  • على كل صفحة

    الصفحة الجديدة ما بدها شغل جديد. المترجم بيلحقها لحاله.

  • نصّكم عندكم

    الترجمة بتصير بمتصفح الزائر. نص صفحاتكم ما بيتبعت لخوادمنا.

  • دايماً بيتحدّث

    المكتبة بتتحدّث باستمرار، ومصطلحات قطاعكم بنضيفها.

الخدمة

شو بتاخذوا معنا.

ضمن الخدمة

  • المترجم على كل صفحة

    زر المترجم بيظهر على كل صفحات موقعكم.

  • تحديثات

    المكتبة بتتحدّث باستمرار، والتحديثات جزء من الخدمة.

  • دليل تركيب

    دليل خطوة بخطوة لفريقكم التقني.

  • دعم

    عندكم سؤال؟ احكوا معنا.

اختياري

  • بنركّبه إلكم

    إحنا بنركّب المترجم على موقعكم، وبنجرّبه قبل ما يوصل لزوّاركم.

  • مصطلحات قطاعكم

    بنضيف للمكتبة الكلمات الخاصة بشغلكم.

لمين

لكل موقع إله ناس.

بنك. جامعة. شركة اتصالات. دائرة حكومية. متجر.

إذا عندكم جمهور… فيهم ناس من ذوي الإعاقة السمعية.

أسئلة

أسئلة بتيجينا.

المترجم بيترجم كل إشي؟

بيأشّر كل كلمة إلها إشارة بالمكتبة، وفيها أكثر من 5,000 إشارة أردنية. والكلمة اللي لسّا ما إلها إشارة بتظهر مكتوبة جنبه، فما بيضيع إشي من نصّكم. والمكتبة بتكبر مع كل تحديث.

بيبطّئ موقعنا؟

الإضافة صغيرة: حوالي 19 كيلوبايت مضغوطة، وبتنضاف بسطر واحد. والترجمة بتصير بمتصفح الزائر لما يطلبها.

شو بصير بخصوصية زوّارنا؟

الترجمة بتصير بمتصفح الزائر. نص صفحاتكم ما بيتبعت لخوادمنا.

أي لغة إشارة؟

لغة الإشارة الأردنية: أكثر من 5,000 إشارة أردنية. مش لغة إشارة من بلد ثاني.

لأي مواقع؟

للمواقع العربية: المترجم بياخذ نصّكم العربي وبيعرضه بلغة الإشارة الأردنية.

بيغني عن مترجم الإشارة؟

المترجم بيخلّي محتوى موقعكم اليومي متاح بلغة الإشارة الأردنية، على كل صفحة وبأي وقت. والمحتوى الحساس، زي العقود والتعليمات الطبية والجلسات الرسمية، بضل بدّه مترجم إشارة بشري.

كيف بنبلّش؟

احكوا معنا على info@rasan.info، وبنرتّب تجربة على موقعكم.

خلّوا موقعكم يحكي لغتهم.

احكوا معنا، وبنرتّب تجربة على موقعكم.

تواصلوا معنا info@rasan.info

البيت بيتكم

عن رسن

رسن شركة أردنية غير ربحية، بتشتغل على تمكين الأشخاص ذوي الإعاقة.

والمترجم الرقمي جزء من هالشغل.

موقع رسن